حكايتي مع حماتي وسلفتي

حماتي لما عرفت اني حامل خلتني اغسل سجاد البيت كله ووقفت هي وسلفتي يتفرجوا عليا وانا بسقط البيبي.
انا مني عندي 25 سنه متجوزة بقالي تلات سنين ولسه محصلش حمل واول لما عرفت اني حامل في الشهر التاني لقيت حماتي بتقولي تعالي اغسلي السجاد بتاعي ولما قولتلها مش هقدر عشان الحمل واقفت قدام جوزي وقالت له يا مراتك تغسل السجاد يا تطلقها دلوقتي عشان مراتك بتعصى كلام امك.
باسم جوزي بص لي بقلة حيلة وقال اغسلي السجاد عشان خاطري يا مني
بصيت له بصدمة قلبي اتكسر قبل ما جسمي يتعب.
قلت له بصوت مهزوز
يعني إيه يا باسم؟ أنا حامل وممكن أجهض!
بس هو لف وشه الناحية التانية وقال
اعملي اللي أمي بتقوله يا مني خلّصي الموضوع وخلاص.
حسيت إني لوحدي مفيش حد في ضهري.
بصيت لحماتي وسلفتي لقيتهم واقفين بيتفرجوا عليا بابتسامة شماتة

كأني مش بني آدمة.
سكت وقررت أعمل اللي قالوه يمكن عشان كنت ضعيفة ويمكن عشان كنت لسه فاكرة إن جوزي ممكن يندم.
مسكت الفرشة ونزلت على الأرض أغسل السجاد وكل حركة كنت بحسها بتقطع في بطني.
الميه تقيلة والسجاد أتقل وأنا أصلاً تعبانة.
بعد نص ساعة بدأت أحس بدوخة شديدة ورجلي مش شيلاني.
قولتلهم
مش قادرة والله مش قادرة
حماتي ردت ببرود
الدلع ده عند أمك كمّلي!
وفجأة حسيت بألم رهيب في بطني ودم بدأ ينزل مني.
وقعت على الأرض وأنا بصرخ
الحقوني البيبي!
سلفتي اتخضت شوية وقالت
يا ماما شكلها بتنزف بجد!
بس حماتي قالت ببرود
سيبوها دي بتمثل.
فضلت أصرخ لحد ما صوتي راح والدنيا اسودت في وشي
آخر حاجة فاكرها إن باسم جري عليا لما شاف الدم كتير وشالني وهو بيقول
مني! فوقي مني!
صحيت في المستشفى على صوت جهاز وريحت مطهرات.
بصيت
حواليّا لقيت دكتور واقف جنبي.
سألته وأنا خايفة
ابني فين ابني؟
الدكتور سكت شوية وبعدين قال بهدوء
الحمل نزل.
حسيت إن روحي بتتسحب مني دموعي نزلت من غير صوت
مش بس خسرت ابني أنا خسرت نفسي.
بصيت لباسم اللي كان واقف بعيد عينه في الأرض.
قولت له بصوت مكسور
انت السبب
ما ردش ولا حتى قرب.
بعد ما خرجت من المستشفى رجعت البيت بس مش نفس مني.
بقيت ساكتة باردة كأن جوايا مات.
حماتي كانت بتتكلم عادي كأن حاجة ما حصلتش
الحمد لله جت سليمة غيرها كتير بيخلفوا.
قفلت على نفسي في شقتي عشان مسمعش كلامها القاسي وكنت في حالة اكتئاب. ما انا لو كان ليا مكان اروحه كنت سيبت البيت دا من زمان، بس اهلي ظروفهم صعبه ولما صدقوا اتجوز. أكيد مش هرجعلهم وانا عارفه انهم هما اللي هيرجعوني بنفسهم.
عدا أسبوعين وانا مستغربه ان حماتي مش بتطلب
اني انزل اخدمها وكمان باسم طول الوقت تحت عند امه وكأني مش موجودة.
قررت انزل شقة حماتي وكانت الصدمة لما لقيت حماتي نايمه وشقتها مقفوله بس لقيت حاجة غريبة.
جذمة جوزي قدام شقة سلفتي اللي جوزها ميت من قبل ما انا اتجوز والمفروض انها عايشه هنا علي ذكرا جوزها! وكانت بتقول ان باسم جوزي زي اخوها!
وقفت مكاني قلبي بدأ يدق بسرعة غريبة
بصيت على الجزمة أيوه دي بتاعة باسم جوزي أنا حافظاها كويس.
قربت من باب شقة سلفتي صوت واطي جاي من جوه همسات وضحك خفيف.
إيدي كانت بتترعش وأنا بقرب ودني من الباب
وسمعت صوت باسم!
انتي كده أحسن بكتير خلاص كلها فترة ونتخلص منها.
اتجمدت مش قادرة أستوعب
نتخلص منها؟! يعني إيه؟!
وصوت سلفتي رد عليه بدلع
بس خلصني بقى منها بسرعة أنا مش مستحملة وجودها في البيت.
رجلي ما بقتش شيلاني بس في
نفس الوقت حاجة جوايا اتكسرت خالص
مافيش دموع بس في نار.
رجعت ورا
لمحة نيوز

خطوة وبعدين خبطت على الباب جامد.
الدوشة سكتت فجأة وبعد ثواني الباب اتفتح
وسلفتي واقفة قدامي شعرها بايظ وبتقفل الروب تداري جسمها!
بصيت لها من فوق لتحت وقلت بهدوء يخوّف
باسم عندك ؟
اتوترت شويه وهي بتفكر وانا بصيت علي جذمته اللي قدام شقتها وهي عرفت انها مش هتقدر تنكر وردت ببرود اه عندي.
باسم خرج وقف وراها وهو متوتر وقالي إيه إللي طلعك هنا يا مني؟ انا كنت بطمن علي ميادة.
اتكلمت بقسوة بتطمن عليها وهي قاعده معاك بتضحكوا ولابسه الروب بتاع النوم؟
باسم اتلخبط وقال
انتي فاهمة غلط يا مني
ضحكت ضحكة مفيهاش روح
غلط؟ أنا سامعة ضحكم وكلامكم وكل حاجة؟!
سلفتي دخلت في الكلام ببرود
عايزة إيه يعني ؟وماله انك تلاقي باسم عندي؟ ما انتي
أصلاً مش نافعة لا زوجة ولا كأم.. بصي ل وشك الاصفر الدبلان! الرجاله بيزهقوا من النكد يا حبيبتي وانتي معيشه جوزك في قرف.. له حق يدور على الفرفشه برا؟
الكلمة دي وجعتني بس المرة دي ما سكتش.
قربت منها وقولت
وأنتي بقى بتفرفشي اخو جوزك بمناسبة إيه ؟
ردت ببرود هيطلقك ويبقي جوزي.. مستنين بس يخلص منك عشان لا يدفع نفقه ولا مؤخر.
باسم زعق
كفاية بقى يا مني واطلعي علي شقتك !
بصيت له والهدوء رجعلي تاني
لا مش كفاية. أنا دلوقتي فهمت كل حاجة.
وسكت لحظة وبعدين كملت
الإجهاض اللي حصلي ماكانش صدفة صح؟
الاتنين سكتوا وبصوا لبعض
وسكوتهم كان إجابة.
قلبي وقع بس برضه كملت
أنتوا كنتوا عايزين تخلصوا مني ومن ابني عشان تتجوزوا؟
سلفتي ابتسمت نص
ابتسامة وقالت
أهو فهمتي أخيرًا.. وعايزة أقولك ان باسم اصلا مكنش عايز يخلف منك وكان بيحطلك حبوب منع الحمل.
هزيت راسي بوجع وقولتلهم وانا مش مسامحه في حقي ، حسبي الله ونعم الوكيل فيكم.
نزلت على شقتي عشان اخد حاجتي وانا مش عارفه اروح فين.
لقيت باسم داخل ورايا ببرود وبيقول بصي يا مني.. انا راجل وليا احتياجات وانتي معندكيش الخبرة الكافيه عشان ترضيني.. خليكي هنا زوجة عاديه وميادة تبقى مراتي اللي بتعرف ترضيني.
بصيت له بصدمة ومقدرتش أتحكم في أعصابي وفجأة ضربته بالقلم.
باسم اتجنن ونزل ض. رب فيا لحد ما وقعت على الأرض مش قادرة اتحرك
الجيران طلعوا وخدوني علي المستشفى
وعملت فيه محضر عشان اخد حقي واتهمته هو وامه ومرات اخوه ان
هما السبب اني اجهض وادخل المستشفى مرتين بسببهم.
ربنا بعتلي محامية بنت حلال وقفت معايا لحد ما خدت حقي ومستحقاتي كلها منهم.
وانا دلوقتي اطلقت من باسم وبشتغل وبعتمد علي نفسي.
وبعد سنه لقيت باسم جاي قدام الشغل بتاعي وهو شكله متغير.. جسمه نحيف وملامحه شاحبه.
بيعتذر مني على كل اللي عمله وقالي انه اتجوز ميادة مرات أخوه وشايف معاها الويل وميادة وامه دايما في مشاكل وطلب مني ارجعله.
ضحكت وانا ببص له وفي نفس الوقت وقفت عربيه قدامنا ونزل منها راجل وسيم وقرب مني.
باسم ميعرفش ان دا خطيبي اللي ربنا عوضني بيه.
قولت ل باسم ان ربنا عوضني ب راجل بجد قادر يحميني ويحافظ عليا.
وركبت العربية مع خطيبي وانا حاسه ان حقي رجعلي وكنت
بشكر ربنا اللي كان دايما معايا ونصرني وعوضني.
تمت.