قضية تمكين ج1

“بعد ما رفعت ق*ضية تمكين على طليقي، وروحت أستلم الشقة… ملقتش فيها حاجة سليمة. كل حاجة كانت مكسرة، وحتى باب الشقة نفسه كان متشال. لكن أنا مسكتش… وخليته يندم على كل اللي عمله.”
أول ما دخلت، وقفت مكاني مش مصدقة اللي شايفاه.
النيش متكسر، دواليب المطبخ مخلوعة، السيراميك متكسر في أكتر من حتة، وحتى النجف كان مرمي على الأرض.
بصيت للمحضر اللي معايا وقلتله وأنا دموعي نازلة:
“هو ينفع حد يعمل كده؟!”
رد بهدوء:
“صوري كل حاجة… ومتلمسيش أي حاجة.”
طلعت موبايلي وصورت كل ركن.
وفجأة لقيت جارتي بتجري عليا.
قالت:
“أنا كنت مستنياكي… والله حاولنا نمنعه.”
بصيت لها باستغراب:
“يعني إيه؟”
قالت:
“من يومين فضل يطلع العفش ويكسره في الشارع، وكل ما حد يقوله حرام يقول: الشقة دي مش هتتهنى بيها طول ما أنا عايش.”
قلبي كان بيتقطع… بس في نفس الوقت حسيت إن ربنا بيجهزلي حق كبير.
حررت محضر بكل التلفيات، وجبت مهندس يثبت قيمة الخسائر، وجمعت صور الشقة القديمة اللي كانت معايا قبل الطلاق، وكمان لقيت فيديو قديم كنت مصوراه يوم عيد ميلاد ابني، واضح فيه كل الأثاث وهو سليم.
افتكرت إنه كده خلاص خلص عليا.
لكن بعد أسبوع حصلت المفاجأة.
اتصل بيا رقم غريب.
رديت.
لقيت صوت راجل بيقول:
“حضرتك الأستاذة…؟”
قلت:
“أيوة.”
قال:
“أنا آسف إني بتدخل… بس عندي حاجة لازم تعرفيها.”
سكت ثواني وقال:
“أنا الصنايعي اللي طليقك جابه يفك الأبواب والشبابيك… وكنت فاكر إنه هيغيرهم. لكن لما شوفته بيكسر كل حاجة ويضحك، صورتله فيديو من غير ما يحس.”
اتجمدت في مكاني.
قلت بسرعة:
“فيديو؟!”
قال:
“أيوة… والفيديو باين فيه وهو بنفسه بيكسر الحيطان ويقول: (حتى لو خدت الشقة بالقانون… هتستلمها خرابة).”
إيدي كانت بتترعش.
طلبت أقابله فورًا.
ولما شفت الفيديو… عرفت إن الق*ضية كلها هتتقلب.
لكن وأنا خارجة من عنده، وصلني ظرف بني من غير اسم.
فتحته…
ولقيت جواه مفتاح صغير، وورقة مكتوب فيها بخط إيده:
“لسه ما شوفتيش أنا مخبي إيه في الشقة… لو عرفتي المكان هتكرهيني طول عمرك.”
وقتها رجعت للشقة وأنا قلبي بيدق بعنف…
ولما بدأت أدور، لاحظت إن فيه بلاطة في أرضية أوضة النوم لونها مختلف عن باقي البلاط…
#حكاوي_شيمو
يتبع…
مين عايزة تكملها وايه رئيكم فى اللى عمله الزوج مش دى شقة هيتربى فيها ولاده برده ليه الغضب بيعمل فى الإنسان كده .
ويا ترى كان فيه إيه تحت البلاطة ؟
عايزة توقعاتكم؟
وتفاعل لايك وصلى على النبى فى التعليقات وهرد بالتكملة