بقلم روماني مكرم 3

ثم تحولت نبرة صوته من السخرية إلى الغل والحقد وهو يوجه كلامه إليّ أنا:

— “وأنتِ يا نوال.. يا أختي العظيمة.. فاكرة إنك ناصحة؟ فاكرة إنك لما تكتبي العقود باسمك وتديري من ورا الستار هتعرفي تأخدِي الجمل بما حمل؟ أنا عارف إنك من زمان شايفاني مجرد ‘صورة’ وأنتِ ‘العقل’. عشان كده كان لازم ألعب اللعبة دي.. خَليت كمال الباشا يفتكر إنه بيضغط عليكي بالـ 40 مليون، وخَليت الشيخ سليم يجري ورا مخازن الجمالية الفاضية، وخليت صباح القاتلة تلبس قض\ية الق\تل والتزوير.. وأنا دلوقتي قاعد في المطار، ومعايا الأرصدة الحقيقية اللي سحبتها الصبح بدري، ومسافر برة مصر للابد!”

ساد صمت يرعب في الأوضة.

الجميع اتخدعوا.

صباح، وجمعة، وكمال الباشا، والشيخ سليم.. وحتى أنا!

سيد مكنش الضحية، ولا كان الجبان اللي بيهرب.. سيد كان أفعى غيرت جلدها، واستغل طمع الجميع وغلّهم عشان يضربنا ببعض، ويخلع بالغنيمة الكبرى وحدَه!

لكن في تلك اللحظة بالذات…

سحبتُ نفسي بثبات، وسحبت هاتف المحامي فرج الملقى على الطاولة، وضغطت على زر العرض التفاعلي المرتبط بشاشة التلفزيون المعلقة في مكتب المحامي.

— “الطيارة بتاعتك الساعة كام يا سيد؟” قلتها بصوت هادئ جداً، خالي من أي مفاجأة أو انكسار.

توقف صوت سيد على الناحية الثانية لثانية واحدة:

— “ساعتي أربعة ونص.. فاضل عشر دقائق والطيارة تقوم يا نوال. ملحقتيش تعملي حاجة.”

ابتسمتُ ببرود وأنا أرفع الميدالية الحديدية أمام الكاميرا:

— “أنت للأسف يا سيد طول عمرك واجهة.. حتى في النصب والتخطيط بتفضل واجهة. الفلوس اللي أنت سحبتها الصبح من الحساب المشترك وحطيتها في حسابك في السويس؟ الحساب ده كان مربوط كـ ‘ضمان إلكتروني’ برقم الخزنة الرقمية اللي في مخزن الجمالية. بمجرد ما أنت حولت الفلوس لحسابك الجديد برة.. السيستم الآلي للشركة أعتبرها ‘عملية اختلاس غير مشروعة’، وجمد الأرصدة في المطار فوراً!”

صوت أنفاس سيد على التليفون بدأت تتصاعد بسرعة ورعب:

— “أنتِ.. أنتِ بتقولي إيه?!”

كملت كلامي بثبات هز أركان الأوضة:

— “أنا اللي بنيت السيستم يا سيد.. مش أنت. وأنت لما جيت تسرقني، سرقت الحساب اللي أنا حاطة فيه الشفرة القاتلة. الحساب اتجمد، وقوة مباحث المطار واقفة قدام بوابة الصعود بالظبط دلوقتي عشان تقبض عليك بتهمة التزوير واختلاس أموال شركة وتحويلها للخارج!”